Sebelum memulakan sebarang pekerjaan eloklah dimulakan dngn Basmallah dan diakhiri pekerjaan itu dngn ucapan Hamdallah.
Kali ni saya rasa nk 'share' lah resepi turun temurun yang saya belajar dari omak ese...hehehe...loghat n9 dh masuk campur dh...meh kito tengok apo la bahan2 eh tuh.
Ayam kampung/ ayam pencen 2 ekor
Cili api segonggam
Kunyit 2 1/2 inci
Garam secukup ghaso
Serai 2 batang
Santan dari 6 biji kelapo
Kut nak buh skit kerisik buleh yo...
Cagho2 nak buek eh:
1. Berosih-an ayam 2 ekor tu...buang bulu eh segalo. Berosih-an isi2 poghut eh tu. Layur-an bagi tangga bulu2 halus kek bodan eh tuh. Lopeh tu koghek2 bagi kocik saih eh. Agak2 la dlm koghek 18 ko 24 ko... jngn koghek bosa2 nnt liat pueh nk gigit eh tertangga gigi. Dah siap berosih sumo-eh masuk-an dlm koli.
2. Cili api tuh tumbuk moh kunyit. Tumbuk lumat2. Lotak garam secukup ghaso. Agak2 dlm 4 sudu teh.
3. Sorai2 tu lopeh diberosih-an tumbuk la acah2 yo...jngn sampai lumat.
4. Bahan2 2 dan 3 nih masuk-an dalam koli gak. Hidup-an api...taktik ni namo eh mengocut. Maso ni la jus2 dari ayam tu keluar n bergaul mo cili dan sorai td.
5. Sambil2 tunggu jus ayam tu koghing skit, sedio-an la santan eh. 6 biji jangan kughang plak. Lobih pun elak-an lah. Biar cukup2 yo manih eh tu nnt. Tp kalau ayam yang diguno-an dalam resepi ni ayam kogheh elok la di lobih-an santan eh tu.
6. Dah agak koghing jus ayam tadi baghu la masuk-an santan tadi. Masuk-an skit2. kut x muek koli tu nnt. Masuk-an separuh dulu untuk tujuan melembut. Dah agak koghing separuh yang pertamo ni baghu la masukkan belen santan tadi. Jangan lupo ghaso garam eh. Kang kut tawar meleset plak x sodap ghondang ekau. Ghondang ese mmg la sodap...hahahaha....
7. Yang terakhir kut nak bona buh kerisik..buh la bilo santan dah koghing skit. Tapi warno eh nnt x kuning la. Jd warna golap tp sodap yo tuh...cubo jngn x cubo.
No comments:
Post a Comment